قصيده في خادم الحرمين الشريفين الملك/ عبدالله بن عبالعزيز
--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته
قصيه في خادم الحرمين الشريفين الملك/ عبدالله بن عبدالعزيز
لوّله طلبة اللي يعلم النيات=كل هامه تعرف القبر تنزله
ياقصيدي ترا بعض القصيد اسكات=
أني ماعودتك على الذله
ذاخرك لين تبدي حزة الوقفات=كنك الهيل وظلوعي لك الدله
ياوطن عاد عيدك وبرك الحزات=مايزين القصيد ألا على حله
ياسلامي على وجه السعد بذات=من يمينه تعقد الحبل وتحله
راعي الوجه الأبيض جابر العثرات=الوطن تحت ظل الله ثم ظله
أبلج كنه البراق في الظلمات=واضح مثل ماتوضح لنا المله
شامخ في المواقف يكسب الطالات=صيرمي يقص الراس ويتله
كان مصر الشقيقة تعشق السادات=حن وهم والعرب في ظل عبدالله
مرحبا مرحبا ياقايد القادات=ياهلا ياهلا بك ياهلا
بنيابة عن اللي يكسب الشارات=شيخ شمل اقحطان وجابر الخله
بن دليم المقدم بأول الهيات=في الحماد وجبال الريث والجله
له عهود قديمه من زمان فات=من جدوده وعهدك صار عهد له
وبسم فارس ***طان هل الهقوات=مرحبا مرحبا والطيب لك كله
وب ولي العهد يامرحبا ميات=مرحبا يابو خالد وأنت عضد له
طير حرّ جناحك يعشق الطلعات=مجلس الطيب والناموس تحتله
ياملكنا لعينك ترخص الهامات=مانساوم على حبك ولا بله
يابوا متعب لوقفات القدم حزات=قلب ماله ولاء لك جعله العله
سيدي حن عيالك والشعوب أشتات=والوطن مايهان وحن عيال له
حن جنودك بلا رتبة بلا بدلات=راعي الذود يسبق راعي الفله
كلنا من البحر لين البحر قوات=شعبنا من تحت راية زعيم له
ندحم الضد بمتون لها صملات=من زمان القناء والسيف والسله
نعشق الموت عشق الطفل للعبرات=ولا عشق الفتى للي تكحل له
والخوارج مانقبل منهم الزلات=قل لراعي الردى ياأعلامنا قله
قله أنا هل التاريخ والفزعات=لايحسب سيوف الحق صيد له
أن ماينقصنا ليا من مات=وأن رجع في طريق الحق فاحسن له
كل حصني خبيث يدور الحيلات=نضربه وجه لا لا مانتحيل له
لانشكك ولا تدخل بنا الشكات=ناصله من هنا منيه ناصله
وأن وصلناه ماجينا على الغرات=ننذره وأن رفض لا مانتحصن له
ناخذ الثار منه حزة الوقفات=يدفن ال*** مانرضى له الزله
مرحبا يابو متعب وبرك الحزات= بأسم شيخ اقحطان وجمعنا كله
وسلامتكم
اخوكم خالد الشيباني
موضوع: قصيده في خادم الحرمين الشريفين الملك/ عبدالله بن عبالعزيز 
الثلاثاء مايو 20, 2008 8:40 am
